ამერიკის შეერთებული შტატების პრეზიდენტი დონალდ ტრამპი ნიუ იორკში უკრაინის პრეზიდენტს, პეტრო პოროშენკოს შეხვდა.

შეხვედრას ვიცე-პრეზიდენტი მაიკ პენსიც ესწრებოდა.

„ჩინებული იყო უკრაინის პრეზიდენტის, პეტრო პოროშენკოს ჩვენთან ყოფნა ქალაქ ნიუ იორკში დღეს“, დაწერა ტრამპმა „თვითერზე“.

რუსული „რია ნოვოსტის“ ცნობით, ტრამპმა პოროშენკოსთან საუბრისას აღნიშნა, რომ მათი თეთრ სახლში ბოლო შეხვედრის შემდეგ ორი ქვეყნის ურთიერთობებმა „პროგრესს მიაღწია“.

„ნამდვილად, გმადლობ, ბატონო პრეზიდენტო! ჩემთვის დიდი პატივია აქ ყოფნა, ასე ახლოს ჯდომა თქვენს გვერდით. მე ძალიან მოხარული ვარ სიტყვების მოსმენით პროგრესის შესახებ, რომელსაც ჩვენ ორთავემ მივაღწიეთ ჩვენი ბოლო შეხვედრის შემდეგ“, განაცხადა პოროშენკომ ტრამპის საპასუხოდ.

შეხვედრის ვიდეო ჩანაწერი უკრაინის პრეზიდენტის „ფეისბუქის“ გვერდზე გამოქვეყნდა.