კორეის სახალხო დემოკრატიული რესპუბლიკის საგარეო საქმეთა მინისტრმა, რი იონგ ჰომ, რომელიც ნიუ იორკში გაერო-ს გენერალურ ასამბლეაში მონაწილეობის მიზნით იმყოფება, ჟურნალისტებთან განაცხადა, რომ აშშ-ის პრეზიდენტის, დონალდ ტრამპის გაეროში წარმოთქმული სიტყვის საპასუხო ზომებს შორის შეიძლება იყოს „უპრეცედენტო“ წყალბადის ბომბის გამოცდა წყნარ ოკეანეში. ინფორმაციას რუსული „რია ნოვოსტი“ სამხრეთ კორეულ სააგენტო „რენხაპზე“ დაყრდნობით ავრცელებს.

თავად ლიდერმა კიმ ჩენ ინმა ტრამპის სიტყვას, რომელშიც მან აღთქმა დადო, რომ ჩრდილოეთ კორეას „სრულად გააანადგურებს“ თუკი ის აშშ-ს და მისი მოკავშირეების უსაფრთხოებას დაემუქრება, „უგუნური“, თავად ტრამპს „ხულიგანი და განგსტერი“ უწოდა, რომელიც „ცეცხლს ეთამაშება“.