პარტია „ქართული ოცნება - დემოკრატიული საქართველოს“ ხონის მერობის კანდიდატი ლადო ჯურხაძე სოფელ მათხოჯის, ხიდისა და სუხჩას მოსახლეობას შეხვდა და ამომრჩევლებს წინასაარჩევნო პროგრამა გააცნო.

როგორც GUARDIAN.GE-ს პარტიის პრესსამსახურიდან აცნობეს, მერობის კანდიდატმა ადგილობრივების პრობლემების შესახებ ინფორმაცია მოისმინა და არსებული პრობლემების მინუმუმამდე დაყვანას დაჰპირდა.

„მე და ჩემი გუნდი მოვდივართ იმისთვის, რომ არსებული პრობლემები მინიმუმამდე დავიყვანოთ და ხელი შეგიწყოთ თქვენ - სოფლად მცხოვრებლებს, კიდევ უფრო მეტი სარგებელი მიიღოთ. ჩემი პრიორიტეტი სოფლის მეურნეობისა და მეწარმეობის განვითარებაა, რისთვისაც სახელმწიფო საინტერესო პროგრამებსა და პროექტებს ახორციელებს. მე ვიქნები გარანტი იმისა, რომ ეს პროგრამები თქვენამდე მოვიტანო და შესაბამისი კონსულტაციები გაგიწიოთ“, განაცხადა ლადო ჯურხაძემ.