თბილისის მერია, მომავალი 4 წლის განმავლობაში ქალაქის ისტორიული უბნების რეაბილიტაციაზე იმუშავებს, რაც ხელს შეუწყობს როგორც ქალაქის ტურისტული პოტენციალის გაუმჯობესებას, ისე, მოსახლეობის შემოსავლების ზრდას - ამის შესახებ, დღეს, კახა კალაძემ განაცხადა.
„ძველი თბილისის რეაბილიტაცია არის ერთ-ერთი პრიორიტეტული საკითხი. ამისათვის 4 წლის განმავლობაში 500 მილიონი ლარი დაიხარჯება. ამ პროცესში გათვალისწინებული იქნება ჩუღურეთის რაიონში, ფიროსმანის ქუჩის რეაბილიტაციაც“, აღნიშნა თბილისის მერობის კანდიდატმა.
როგორც GUARDIAN.GE-ს პარტიის პრესსამსახურიდან აცნობეს, კახა კალაძე ჩუღურეთის რაიონის მოსახლეობას შეხვდა და თბილისის განვითარების პროგრამული ხედვა გააცნო. მან აღმაშენებლის გამზირი, ფიროსმანის, წინამძღვრიშვილისა და ჩიქობავას ქუჩები დაათვალიერა. თბილისის მერობის კანდიდატი ასევე, წინამძღვრიშვილის N121-ში მცხოვრებ დევნილ ოჯახებსაც შეხვდა და მათ საჭიროებებს გაეცნო.
კალაძემ მოსახლეობასთან შეხვედრისას, განსაკუთრებული ყურადღება ეკოლოგიური მდგომარეობის გაუმჯობესებაზე, მუნიციპალური ტრანსპორტის განვითარებასა და ქაოტური მშენებლობების აღკვეთაზე გაამახვილა. მისი თქმით, საჭიროა ინტენსიური მუშაობა იმისათვის, რომ ქალაქში შემცირდეს ჰაერის დაბინძურების დონე.
„გვაქვს ამბიცია იმის, რომ 4 წელიწადში ქალაქში რადიკალური განსხვავება იყოს ეკოლოგიური თვალსაზრისით. ამისთვის საჭიროა კომპლექსური მიდგომა. ახალი მწვანე სივრცეების შექმნისა და არსებული პარკებისა თუ სკვერების რეაბილიტაციის გარდა, ამ მიმართულებით დიდი მნიშვნელობა მიენიჭება საზოგადოებრივი ტრანსპორტის განვითარებას, რადგან გამონაბოლქვი სერიოზულ პრობლემას წარმოადგენს“, აღნიშნა კახა კალაძემ.
მისი თქმით, არც ერთი საცხოვრებელი კორპუსი არ აშენდება სკვერების, სპორტული მოედნებისა და საზოგადოებრივი სივრცეების ხარჯზე.
„ქაოტური განაშენიანების პრობლემა ერთხელ და სამუდამოდ იქნება მოგვარებული ამ ქალაქში. გვეყო ის, რაც გავაკეთეთ ბოლო 25 წლის განმავლობაში - დავამახინჯეთ დედაქალაქი და უკვე ამის უფლება აღარ გვაქვს. ამ მიმართულებით თუარ გადავდგით კონკრეტული ნაბიჯები, რამდენიმე წელიწადში ქალაქში სუნთქვა შეუძლებელი იქნება. მშენებლობების წინააღმდეგი არ ვარ, მაგრამ ეს ყველაფერი უნდა განხორციელდეს სწორად და ხარისხიანად“, განაცხადა თბილისის მერობის კანდიდატმა.
კახა კალაძესთან ერთად მოსახლეობას ჩუღურეთის მაჟორიტარობის კანდიდატი რიმა ბერაძე და საკრებულოს წევრობის კანდიდატები ირაკლი ზარქუა და ბექა დავითულიანი შეხვდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.