საქართველოს პარლამენტის თავმჯდომარე იმედოვნებს, რომ პრეზიდენტი „კონსტრუქციულად იმოქმედებს და ვეტოს უფლებას კონსტიტუციური კანონის პროექტის მხოლოდ იმ ნაწილებზე გამოიყენებს, რომლებიც ბონუსის სისტემის გაუქმებას და ბლოკების ერთჯერადად შენარჩუნებას ეხება".

„ჩვენი შეთავაზებაა, რომ ამ ორი ნაწილის მიმართ გამოიყენოს პრეზიდენტმა ვეტოს უფლება. იმედი გვაქვს, რომ პრეზიდენტი ამ შემთხვევაში გამოავლენს კონსტრუქციულ პოზიციას და სწორედ ასეთი ფორმით გამოიყენებს ვეტოს უფლებას, თუმცა, დაველოდოთ მოვლენების განვითარებას“, განაცხადა ჟურნალისტებთან საუბრისას ირაკლი კობახიძემ, რომლის თქმითაც, ვეტოს დადება პრეზიდენტის პრეროგატივაა, პარლამენტი კი, საკუთარი უფლებამოსილების ფარგლებში მოქმედებს.