ჩრდილოეთ ერაყში მცხოვრებმა მოქალაქეების უდიდესმა ნაწილმა ქურთისტანის რეგიონის დამოუკიდებლობას ორშაბათის წინააღმდეგობრივ რეფერენდუმზე ერთსულოვნად დაუჭირა მხარი.

როგორც BBC საარჩევნო კომისიის მონაცემებზე დაყრდნობით იტყობინება, 3.3 მილიონი ქურთიდან 92%-მა და არაქურთმა, რომელთაც რეფერენდუმში მიიღეს მონაწილეობა, მხარი დაუჭირეს რეგიონის ერაყიდან გამოყოფას.

ერაყის პრემიერ მინისტრმა, ჰაიდერ ალ აბადიმ დაჟინებით მოუწოდა ქურთებს არ ჩაეტარებინათ რეფერენდუმი და მის ნაცვლად „კონსტიტუციის ფარგლებში“ ჩართულიყვნენ ბაღდადთან დიალოგში.

ორშაბათ ღამით, აბადიმ გამოაცხადა, რომ იგი არ განიხილავს რეფერენდუმის შედეგებს, რომელიც მოსალოდნელია, რომ იყოს „დიახ“, რადგანაც ის „არაკონსტიტუციურია“.

ქურთისტანის ლიდერებმა განაცხადეს, რომ ხმის მიმცემთა პასუხი, „დიახ“ ავტომატურად კი არ გამოიწვევს დამოუკიდებლობის დეკლარაციის გამოცხადებას, არამედ მისცემს მათ იმის მანდატს, რომ დაიწყონ მოლაპრაკებები ბაღდადის ცენტრალური მთავრობიდან გამოყოფაზე და ასევე მეზობელ სახელმწიფოებთან.

ერაყის პარლამენტმა კი პრემიერ მინისტრს სთხოვა განალაგოს ძალები ნავთობით მდიდარ კირკუკის რეგიონში და სხვა სადავო ტერიტორიებზე, რომელიც ქურთულ ძალებს უკავიათ.

კირკუკზე, მრავალეთნიკურ რეგიონზე, რომელზეც პრეტენზიას არაბული ცენტრალური მთავრობა და ქურთები აცხადებენ, კონტროლი ქურთულმა „პეშმერგას“ მებრძოლებმა მაშინ აიღეს, როცა 2014 წელს ე.წ. ისლამური სახელმწიფოს მებრძოლებმა ერაყის გასწვრივ პოზიციები გაიმაგრეს და ერაყის არმია ჩამოიშალა.

რეფერენდუმის წინააღმდეგ გამოვიდა თურქეთის პრეზიდენტი, რომელმაც განაცხადა, რომ ერაყის ქურთებს სადამსჯელო ზომების გამო, რომელსაც იგი ორშაბათის დამოუკიდებლობის რეფერენდუმის საპასუხოდ განიხილავს, შესაძლოა შიმშილის ხანა დაუდგეთ.