პარტია „ქართული ოცნება – დემოკრატიული საქართველოს“ მარნეულის მუნიციპალიტეტის მერობის კანდიდატი თემურ აბაზოვი საკრებულოს დეპუტატობის კანდიდატ ამირან გიორგაძესთან ერთად, მაღალმთიანი დასახლების სტატუსის მქონე ახკერპისა და ოფრეთის ადმინისტრაციული ერთეულის მოსახლეობას შეხვდა.

როგორც GUARDIAN.GE-ს პარტიის პრესსამსახურიდან აცნობეს, მერობის კანდიდატმა ადგილობრივ ამომრჩეველს ოფრეთის მაჟორიტარი დეპუტატობის კანდიდატი ბესიკ გუჯეჯიანი და ახკერპის მაჟორიტარობის კანდიდატი არამ კარაპეტიანი წარუდგინა.

კანდიდატებმა შეხვედრაზე მოსახლეობის პრობლემები მოისმინეს და მათი გადაჭრის გზებზე იმსჯელეს.

„მმართველი ძალა მაღალმთიანი რეგიონების განვითარებას განსაკუთრებულ ყურადღებას უთმობს. ამისთვის შემუშავდა და ამოქმედდა „მაღალმთიანი რეგიონების განვითარების შესახებ“ კანონი, რომელიც მთის გაძლიერებასა და მაღალმთიან სოფლებში მცხოვრებ პირთა კეთილდღეობის დონის ამაღლებას ისახავს მიზნად“, განაცხადა თემურ აბაზოვმა.