პარტია „ქართული ოცნება – დემოკრატიული საქართველოს“ მხარდამჭერებსა და კანდიდატებს შორის, ჯანსაღი ცხოვრების წესის პოპულარიზაციის მიზნით, ამხანაგური მატჩი გაიმართა.

როგორც GUARDIAN.GE-ს პარტიის პრესსამსახურიდან აცნობეს, პარტია „ქართული ოცნება – დემოკრატიული საქართველოს“ მარნეულის მერობის კანდიდატმა თემურ აბაზოვმა პარტიის მხარდამჭერებსა და საკრებულოს დეპუტატობის კანდიდატებს შორის გამართულ ამხანაგურ მატჩში მიიღო მონაწილეობა.

„ჯანსაღი ცხოვრების წესის პოპულარიზაცია ადამიანებში, განსაკუთრებით კი, ახალგაზრდებში მეტად მნიშვნელოვანია. ჩემი მიზანი საფეხბურთო, სარაგბო, საკალათბურთო, ჭიდაობის, ძიუდოსა და სპორტის სხვა სახეობების პოპულარიზაცია, სპორტის განვითარების ხელშეწყობა და ხელმისაწვდომობაა სლოგანით „სპორტი–ყველა ოჯახში“. ყველა სოფელს ექნება ახალი სპორტული მოედანი, ან არსებულს ჩაუტარდება რეაბილიტაცია. ასევე, ჩემი დიდი სურვილია, მარნეულში ევროსტანდარტების შესაბამისი სპორტული დარბაზი აშენდეს“, განაცხადა თემურ აბაზოვმა.

პრესსამსახურის ინფორმაციით, მერობის კანდიდატი მზადყოფნას გამოთქვამს, ამ მიმართულებით დონორების მოძიებასა და სპორტულ ღონისძიებებში ადგილობრივების მეტი ჩართულობისთვის აქტიურად იმუშაოს.