საარჩევნო კამპანიის ფარგლებში, პარტია „ქართული ოცნება - დემოკრატიული საქართველოს“ ლაგოდეხის მერობის კანდიდატი ჯონდო მდივნიშვილი სოფლების, განჯალას, უზუნთალასა და არეშფერანის მოსახლეობას შეხვდა.
როგორც GUARDIAN.GE-ს პარტიის პრესსამსახურიდან აცნობეს, მოსახლეობასთან შეხვედრისა და საარჩევნო პროგრამის გაცნობის გარდა, კანდიდატი არეშფერანის, განჯალასა და უზუნთალას პრობლემებსაც გაეცნო.
„მნიშვნელოვანია, მოსახლეობას კომფორტულად გადაადგილების, სოფლის მეურნეობაზე ზრუნვის და ბიზნესის წარმოების შესაძლებლობა გააჩნდეს. ამისთვის მხოლოდ მათი მონდომება და შრომისმოყვარეობა არ კმარა. საჭიროა, როგორც ადგილობრივი, ასევე, ცენტრალური ხელისუფლების დახმარება. არსებობს სხვადასხვა სახელმწიფო პროგრამა, რომელიც ხელს უწყობს მეურნეობის განვითარებას, მცირე ბიზნესსა და წარმოებას, თუმცა ხშირად მოსახლეობას ამ პროგრამების შესახებ ინფორმაცია არ აქვს სრულყოფილი“, განაცხადა ჯონდო მდივნიშვილმა.
მისივე თქმით, მუნიციპალიტეტი საჭირო ინფრასტრუქტურის მოწესრიგებით, მოსახლეობას ადგილობრივი წარმოების განვითარებასა და გაძლიერებაში დაეხმარება.
მეროის კანდიდატის განცხადებით, ცენტრალური ხელისუფლების დახმარებით, საკუთარ გუნდთან ერთად, ლაგოდეხის მუნიციპალიტეტის განვითარებას უზრუნველყოფს, ეს კი, მოსახლეობის თანამონაწილეობითა და აქტიური ჩართულობით მოხდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.