პარტია „ქართული ოცნება-დემოკრატიული საქართველოს“ საბურთალოს მაჟორიტარობის კანდიდატი ავთანდილ ცინცაძე, სოფლების, დიღმის, თელოვანის, ძველი ვეძისის და დიდგორის მოსახლეობას შეხვდა.

როგორც GUARDIAN.GE-ს პარტიის პრესსამსახურიდან აცნობეს, მაჟორიტარობის კანდიდატი ადგილობრივებს „ქართული ოცნების“ გუნდის პროგრამული ხედვისა და სამომავლო გეგმების შესახებ ესაუბრა. ამასთან, ადგილზე გაეცნო მოსახლეობის საჭიროებებს, რომლებიც ძირითადად, შიდა გზებისა და საკომუნიკაციო სისტემების მოწესრიგების, ტრანსპორტის დამატების, სკვერების მოწყობისა და მიწის დაკანონების საკითხებს უკავშირდება.

„ჩემი სამომავლო ნაბიჯები გადადგმული იქნება იქეთ, რომ თქვენთან ერთად გაკეთებული ყველა საქმე, თქვენივე კეთილდღეობაზე იყოს ორიენტირებული“, განაცხადა მაჟორიტარობის კანდიდატმა.