საქართველოს ექსპრეზიდენტისა და უკრაინის პრეზიდენტის საერთაშორისო რეფორმების მრჩეველთა საბჭოს თავმჯდომარის მიხეილ სააკაშვილის განცხადებით, თუ რიგგარეშე საპარლამენტო არჩევნები დაინიშნა, „ნაციონალური მოძრაობა“, კონკურენტუნარიანი იქნება.

სააკაშვილმა ასევე, აღნიშნა, რომ ნებისმიერ შემდგომ ხელისუფლებას, საქართველოში მუშაობა არა ნულიდან, არამედ მინუსებიდან მოუწევს, რაც ბევრად უფრო რთულია.

საქართველოს ექსპრეზიდნტმა განმარტა, რომ იმ დისკრედიტირებული ინსტიტუტების აღდგენა, რომელიც ახლა დაინგრა, საკმაოდ რთულია.

ამის შესახებ უკრიანის პრეზიდენტის მრჩეველთა საბჭოს თავმდჯომარემ ბაქოში, საერთაშორისო კონფერენციაზე ვიზიტის ფარგლებში ტელეკომპანია „იმედთან“ განაცხადა.

„რიგგარეშე საპარლამენტო არჩევნების გზის შედეგად, საქართველოში ჩემი აზრით უნდა მოვიდეს მთავრობა, რომელიც ფართო წარმომადგენლობითი იქნება და რომელშიც საქართველოს ყველა პოლიტიკური ინტერესების ფართო სპექტრის წარმომადგენლობა შევა. მე დარწმუნებული ვარ, რომ განახლებული, ახალი ენერგიით სავსე „ნაციონალური მოძრაობა“ მზადაა ნებისმიერ გამოწვევას გაუმკლავდეს. გამოწვევები არის ახალი, მათ შორის, ნებისმიერი შემდგომი ხელისუფლება საქართველოში დაიწყებს არა ნულიდან, როგორც ჩვენ დავიწყეთ 2003-ში, არამედ დაიწყებს მინუსებიდან, რადგან უკვე აშენებული ინსტიტუტები, რომლებიც დისკრედიტირებულია, მათი ხელახლა აშენება უფრო ძნელია, ვიდრე თავიდან დაწყება“, - განაცხადა მიხეილ სააკაშვილმა.