საქართველოს თავდაცვის სამინისტროში „დაჭრილ სამხედრო მოსამსახურეთა მხარდაჭერის ფონდი“ შეიქმნა. თავდაცვის სამინისტროს ცნობით, ფონდი მიზნად ისახავს დაჭრილი სამხედრო მოსამსახურეებისა და მათი ოჯახის წევრების დახმარებას სხვადასხვა მიმართულებით.
„ფონდი აქტიურად თანამშრომლობს ამერიკულ კომპანიებთან, როგორიცაა Azalea Charity, Allied Forces Foundation და სხვა. აქტიური თანამშრომლობა იგეგმება საქართველოს კერძო სექტორთანაც.
„დაჭრილ სამხედრო მოსამსახურეთა მხარდაჭერის ფონდის“ დახმარებით და ამერიკული კომპანია Azalea Charity-ის მხარდაჭერით, ერთ-ერთი პროექტი უკვე განხორციელდა.
ფონდის ნაწილობრივი დაფინანსებით, 2008 წლის აგვისტოს საბრძოლო მოქმედებების დროს დაშავებული სამხედრო მოსამსახურის, კაპრალ თემურ იოხმუსაშვილის მეუღლემ - ხატია გოგნელაშვილმა 6-თვიანი ჭრა-კერვის კურსი ნატალია ფერაძის NGGN სამკერვალოში გაიარა. კურსის დასრულების შემდეგ ფონდისა და NGGN-ის დირექტორებმა პაატა პატიაშვილმა და ნატალია ფერაძემ ხატია გოგნელაშვილს სპეციალური სერტიფიკატი გადასცეს, რაც მომავალში მის დასაქმებას შეუწყობს ხელს", აღნიშნულია თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.