თეთრმა სახლმა საიმიგრაციო პოლიტიკის გამკაცრების მიზნით იმ ზომების მონახაზი წარმოადგინა, რის განხორციელებასაც გეგმავს და ამ გეგმაში შედის მექსიკის საზღვარზე სადავო კედლის მშენებლობა, რაც როგორც ტრამპი დაჟინებით აცხადებს, ლათინური ამერიკის ნებისმიერი ახალი, დოკუმენტების არმქონე ახალგაზრდა იმიგრანტისთვის აშშ-ში შესვლის მთავარი შემზღუდავი ფაქტორი იქნება.

როგორც BBC იუწყება, ტრამპი ასევე ითხოვს დეპორტაციების დაჩქარებას და იმიგრაციის სამსახურების ახალი, ათასობით ოფიციალური პირის აყვანას.

გასულ თვეს მან დაასრულა „ახლადჩამოსულ ბავშვთათვის გადავადებული ღონისძიების“ პროგრამა (Daca), რომელიც დაახლოებით 800 000 იმიგრანტს იცავდა.

კონგრესში წამყვანმა „დემოკრატებმა“ დაუყოვნებლივ უარი განაცხადეს ახალი გეგმის მხარდაჭერაზე.

„კანონების“ სია, რომელიც თეთრმა სახლმა კვირას კონგრესს გადაუგზავნა, შემდეგ თხოვნებს მოიცავს:

 მექსიკის საზღვრის გასწვრივ კედლის მშენებლობას

 დამატებით 10 000 საიმიგრაციო და საბაჟო სამსახურის ოფიცრების სამუშაოზე აყვანას და სააგენტოსთვის 1 000 ადვოკატის დასაქმებას

 იმიგრანტებისთვის თავიანთი ოჯახის წევრების შეერთებულ შტატებში ჩაყვანის აკრძალვას

 კომპანიებისთვის კონტროლის დაწესებას, რომ არ აიყვანონ სამუშაოზე არალეგალი იმირანტები

„ეს პრიორიტეტები არსებითია იმისათვის, რომ შემცირდეს კანონიერი და ეკონომიკური შედეგები „Daca“-ს მიმღებთათვის ნებისმეირი სტატუსის მისანიჭებლად“, განაცხადა ტრამპის საკანონმდებლო საქმეების დირექტორმა მარკ შორტმა.

Daca-ს პროგრამა (ახლადჩამოსულ ბავშვთათვის გადავადებული ღონისძიების პროგრამა) 2012 წელს, პრეზიდენტ ბარაქ ობამას დროს ჩამოყალიბებული სქემა გახლდათ და მისი მიზანი ახალგაზრდა, დოკუმენტების არმქონე იმიგრანტების - მათი დეპორტაციისაგან დაცვა იყო, რომლებიც ამერიკის შეერთებულ შტატებში არალეგალურად იყვნენ ჩაყვანილი, როგორც ბავშვები - ე.წ მეოცნებეები (ძირითადად ლათინური ამერიკიდან). მათ სწავლისა და მუშაობის დაწყების უფლება გააჩნდათ.

როგორც BBC იუწყება, აღნიშნული სქემა 750 000-ზე მეტ ადამიანს იცავდა ამერიკის შეერთებული შტატებიდან დეპორტაციისაგან და აძლევდა დროებით მუშაობისა და სწავლის უფლებას და იმისათვის, რომ 30 წელს ქვემოთ ასაკის მოქალაქეებს ამ უფლებით ესარგებლათ, მათ ჰოუმლენდის უსაფრთხოების დეპარტამენტისთვის უნდა მიემართათ.

მათ ფედერალური საგამოძიებო ბიუროს (FBI ) შემოწმება უნდა გაეარათ, რომ კრიმინალური წარსული გამორიცხულიყო; ამავე დროს, ისინი სტუდენტები უნდა ყოფილიყვნენ ან ახლახან ჰქონოდათ დამთავრებული სასწავლებელი ან კიდევ საპატიო მიზეზით უნდა ყოფილიყვნენ სამხედრო სამსახურის ვალდებულებისაგან გათავისუფლებული.

ე.წ. მეოცნებეების უმრავლესობა მექსიკიდან ან ლათინური ამერიკის სხვა ქვეყნებიდანაა ჩასული შეერთებულ შტატებში.