პარტია „ქართული ოცნება - დემოკრატიული საქართველოს“ ბორჯომის მერობის კანდიდატი ლევან ლიპარტია ახალი უბნის დასახლებაში მცხოვრებ ამომრჩეველს შეხვდა.
როგორც GUARDIAN.GE-ს პარტიიდან აცნობეს, ბორჯომის მაჟორიტარმა დეპუტატმა გედევან ფოფხაძემ ახალი უბნის დასახლებაში მცხოვრებ მოსახლეობას ბორჯომის საკრებულოს მაჟორიტარი დეპუტატობის კანდიდატი გიორგი ლონდარიძე წარუდგინა.
მართველი გუნდის მერობის კანდიდატმა კი, ამომრჩეველს საარჩევნო პროგრამა გააცნო და ოთხწლიან სამოქმედო გეგმაზე ისაუბრა.
„2018-2021 წლებისთვის, ბორჯომის მუნიციპალიტეტში დაგეგმილია ან უკვე განხორციელების ფაზაშია შემდეგი ინფრასტრუქტურული პროექტები: ბაკურიანის წყალმომარაგების სისტემის რეაბილიტაცია, მიტარბის გზის რეაბილიტაცია და დიდველზე პარკინგის გაფართოება, ბორჯომის მხარეთმცოდნეობის მუზეუმის რეაბილიტაცია, ბაკურიანი-ციხიჯვარის გზის რეაბილიტაცია, ტურისტული ინფრასტრუქტურის განვითარება ბაკურიანის რეკრეაციულ პარკში, შიდა საავტომობილო გზების რეაბილიტაცია როგორც ბორჯომში, ასევე სოფლებში, ბორჯომის საკანალიზაციო სისტემის და სანიაღვრე არხების მოწყობა“, განაცხადა ლევან ლიპარტიამ.
ამომრჩეველს ასევე, სიტყვით მიმართა პარტიული სიის პირველმა ნომერმა გიორგი ფერაძემ და მოსახლეობას მმართველი გუნდის მხარდაჭერისთვის მოუწოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.