რუსეთის საზღვრებზე ფაქტობრივად მთელი ამერიკული დივიზიებია განფენილი, განაცხადა რუსეთის თავდაცვის სამინისტროს ოფიციალურმა წარმომადგენელმა, გენერალ-მაიორმა, იგორ კონაშენკოვმა.

მისი სიტყვებით, რუსულ-ბელორუსულ ერთობლივ სწავლებას „Запад-2017"-ს, ევროპული მასმედიის მეშვეობით უპრეცედენტო ისტერია ახლდა და განსაკუთრებით იმის გამო, რომ რუსეთმა თავისი „დამრტყმელი დაჯგუფება“ ბელარუსში დატოვა, იტყობინება „რია ნოვოსტი“.

„მაგრამ განსაკუთრებით გამოირჩეოდნენ თავისი რუსოფობიით ნატოს და ევროკავშირის ახალბედა წევრები, ბალტიის ქვეყნების და პოლონეთის ხელმძღვანელი პირების სახით. პოლონეთის თავდაცვის მინისტრმა, ანტონი მაცერევიჩმა ისიც კი მოახერხა ეთქვა, რომ „საგარეო საფრთხეებისგან დასაცავად“ საჭირო იყო სულ მცირე ორი ამერიკული დივიზიის თავის ქვეყანაში განლაგება“, აღნიშნა კონაშენკოვმა და ხაზი გაუსვა, რომ აღმოსავლეთ ევროპაში ისტერია „მყუდროებამ და ამნეზიამ ჩაანაცვლა“.