არასამთავრობო ორგანიზაცია „პოზიციის“ აღმასრულებელი დირექტორი, გურამ ადამაშვილი და ახალგაზრდული ფრთის ხელმძღვანელი, დემეტრე ცხვიტავა დღეს გურამ თავართქილაძის სახელობის სასწავლო უნივერსიტეტში იმყოფებოდნენ და სტუდენტებს ახალი პროექტი გააცვნეს.


ორგანიზაცია, „tvfree“-ს საინფორმაციო მხარდაჭერით ახლი პროექტის – „ჩემი პოზიცია“ – განხორციელებას გეგმავს, რომელიც თბილისის უნივერსიტეტთა სტუდენტების წარმოჩინების და აქტივობისთვის იქნება მიზანმიმართული.


როგორც ახალგაზრდული ფრთის ხელმძღვანელმა დემეტრე ცხვიტავამ უნივერსიტეტში შეკრებილ ახალგაზრდებს აუხსნა, პროექტის ფარგლებში, სტუდენტები თემას და მიმართულებას თავად აირჩევენ, და მათი წერილები თუ ნაშრომები განთავსდება ვებ-გვერდზე TVfree.ge , რის შემდეგაც მოწონების პრინციპით შეირჩევა ათი საუკეთესო თემის ავტორი, ხოლო ამ ათიდან საუკეთესო სამს გამოავლენს ჟიური.


„გამარჯვებული სტუდენტებიი გაივლიან სტაჟირებას ჩვენს ორგანიზაციაში – შემდგომში დასაქმების პერსპექტივით – და მიიღებენ მონაწილეობას არასამთავრობო ორგანიზაციის მიერ დაგეგმილ საერთაშორისო პროექტებში“, – განუცხადა სტუდენტებს დემეტრე ცხვიტავამ.


გურამ თავართქილაძის სახელობის სასწავლო უნივერსიტეტის თექვსმეტმა სტუდენტმა სურვილი გამოხატა აღნიშნულ პროექტში ჩაერთოს.


მსგავსი შეხვედრები თბილისის სხვა უნივერსიტეტებშიც გაიმართება და პროექტში ჩართვის საშუალება ყველა მსურველს მიეცემა.


„პოზიციის“ ახალგაზრდულ ფრთაში მიაჩნიათ, რომ აღნიშნული პროექტი სტუდენტებს საშუალებას მისცემს, პირუთვნელად დააფიქსირონ საკუთარი პოზიცია მათთვის საინტერესო ნებისმიერ საკითხზე, რაც ხელს შეუწყობს მათი ცნობიერების ამაღლებას და ამავე დროს საზოგადოებას დაანახვებს თუ რაოდენ მნიშვნელოვანია ახალგაზრდა თაობის პოზიცია ქვეყნის სამომავლო წინსვლასა და განვითარებაში.