ექსპერტი სოსო ცისკარიშვილი არ გამორიცხავს, რომ სხვა მინისტრებთან ერთად, პრემიერ-მინისტრ ირაკლი ღარიბაშვილის შეცვლის საკითხიც დადგეს. ამის შესახებ ცისკარიშვილმა გაზეთ ,,რეზონანსისთვის“ მიცემულ ინტერვიუში განაცხადა.


,,მე არ გამოვრიცხავ, თავად ირაკლი ღარიბაშვილს არ ჰქონდეს სრული გარანტია, რომ შესაცვლელ პირთა სიაში ისიც არ მოხვდება. ალბათ, უპირველეს ყოვლისა, მისთვის გადამწვეტი იქნება ინფორმაცია, რომელსაც ის იმ პირისგან მიიღებს, ვინც მთელ ამ პროცესს მართავს“,- მიიჩნევს ცისკარიშვილი.

ექსპერტს მიაჩნია, რომ მინისტრების წასვლა-არწასვლაზე ზუსტი ინფორმაცია თავად ღარიბაშვილსაც არ გააჩნია და ამ პროცესებს მთლიანად ბიძინა ივანიშვილი კურირებს.

,,ვფიქრობ, რომ ღარიბაშვილმა მინისტრების წასვლა-არწასვლაზე ზუსტად არც არაფერი იცის, რადგანაც ის თავის ქმედებაში დამოუკიდებელი არასდროს არის. ვინც შეიძლება ამომწურავი და ზუსტი პასუხი საზოგადოებასა და ჟურნალისტებს გასცეს, ეს რა თქმა უნდა, მხოლოდ ბიძინა ივანიშვილია. სწორედ ბიძინა ივანიშვილის სურვილით ხდება მინისტრების თანამდებობებიდან გადაყენება. მის გარეშე მთავრობაში გადაწყვეტილებას არავინ იღებს" - აცხადებს სოსო ცისკარიშვილი.