პარტია „ქართული ოცნება - დემოკრატიული საქართველოს“ ქედის მერობის კანდიდატი ლევან გორგილაძე მახუნცეთის მაჟორიტარობის კანდიდატ ზურაბ თავდგირიძესთან ერთად, ქვედა მახუნცეთის, ქოსოფლის, ნამლისევის, მილისისა და უჩხითის მოსახლეობას შეხვდა.

„ქვეყნის სწრაფი და თანაბარი სოციალურ-ეკონომიკური განვითარება საქართველოს ხელისუფლების ოთხპუნქტიანი გეგმის უმთავრესი მიზანია. ამ მხრივ და ქედის მუნიციპალიტეტის მოსახლეობის დასაქმების უზრუნველსაყოფად, გახორციელდება სოფლის მეურნეობისა და მეწარმეობის მხარდამჭერი პროგრამები. ეკონომიკის განვითარებასთან ერთად, ასევე, გაუმჯობესდება მუნიციპალიტეტის ეკოლოგიური მდგომარეობაც“, - აღნიშნა ლევან გორგილაძემ, როგორც GUARDIAN.GE-ს პარტიიდან აცნობებს, და მაგალითად სოფლებში ლოჯისტიკური ცენტრების პროექტი მოიყვანა, რომელიც მისი თქმით, ფერმერთა კომფორტული მომსახურების სერვისს მნიშვნელოვნად გაზრდის.