„როდესაც ვუსმენდი ოპოზიციის, მათ შორის, პრეზიდენტის წარმომადგენლის გამოსვლებს, ისეთი შთაბეჭდილება დამრჩა, რომ მათ ან არ აქვთ წაკითხული დოკუმენტი, ან საერთოდ სხვა დოკუმენტი აქვთ წაკითხული“, განაცხადა პარლამენტის თავმჯდომარემ პარლამენტის რიგგარეშე სხდომაზე.

მისი თქმით, ახალ დოკუმენტში არც ერთი მუხლი არ არის, რომლითაც მმართველი პარტია სუბიექტურ პოლიტიკურ პოზიციებს იუმჯობესებს და საკონსტიტუციო ცვლილებებით, სრულიად ახალი საკონსტიტუციო ტრადიცია და კულტურა ინერგება.

„რამდენჯერმე ვთხოვეთ ოპოზიციას, მათ შორის, პრეზიდენტს, ასეთი მუხლის დასახელება, თუმცა, მათ ვერც ერთხელ ვერ დაასახელეს ვერ ცერთი ასეთი მუხლი. ასეთი მუხლი უბრალოდ არ არსებობს. გახსოვთ, 30-ზე მეტი ცვლილება შევიდა კონსტიტუციაში, გასული წლების განმავლობაში. ყველა მათგანი, თითოეული მათგანი ემსახურებოდა მაშინდელი პოლიტიკური ძალის სუბიექტური პოლიტიკური პოზიციების გამყარებას. ჩვენ ამ ცვლილებებით ვნერგავთ სრულიად ახალ საკონსტიტუციო ტრადიციას და სრულიად ახალ საკონსტიტუციო კულტურას, რაც გულისხმობს იმას, რომ ცვლილებები შედის არა მმართველი პარტიის სუბიექტური პოლიტიკური პოზიციების გასამყარებლად, არამედ პირიქით. პირველად ხდება საქართველოში ის, რომ შედის ცვლილებები კონსტიტუციაში, რომლითაც მმართველი ძალა იუარესებს საკუთარ სუბიექტურ პოლიტიკურ პოზიციებს და ეს კეთდება იმისთვის, რომ გაძლიერდეს ქართული დემოკრატია, გაძლიერდეს დემოკრატია საქართველოში“, განაცხადა ირაკლი კობახიძემ.