კოტ-დ'ივუარის სანაპიროსთან, აბიჯანის აეროპორტის სიახლოვეს, სატვირთო თვითმფრინავის ზღვაში ჩამოვარდნის შედეგად 4 ადამიანი დაიღუპა, ექვსმა კი დაზიანებები მიიღო.
როგორც BBC იუწყება, ტურბოხრახნიანი ძრავის თვითმფრინავის, რომლის ბორტზეც 10 ადამიანი იმყოფებოდა, ნამსხვრევები სანაპიროზე იქნა გამორიყული, სადაც მაშველებმა ეკიპაჟის გადარჩენილ წევრებს დახმარება აღმოუჩინეს.
ოთხივე დაღუპული მოლდოველია, ხოლო მათ შორის ვინც დაზიანებები მიიღო, ოთხი ფრანგია და ორი მოლდოველი.
ადგილობრივმა პოლიციამ AFP-ს უთხრა, რომ ავიალაინერი დაშვებას ცდილობდა, რა დროსაც კატასტროფა განიცადა.
ახალი ამბების სააგენტო „როიტერსის“ ცნობით, თვითმფრინავი კოკისპირული წვიმის და ჭექა-ქუხილის თანმხლები ქარიშხლის დროს ჩამოვარდა.
როგორც AFP საფრანგეთის სამხედრო წყაროზე დაყრდნობით წერს, თვითმფრინავი „ანტონოვი“ უკრაინაში იყო დამზადებული და ის, ბარკჰანეში ანტი-ჯიჰადისტური ოპერაციის ფარგლებში გამოყენების მიზნით საფრანგეთის არმიას ჰყავდა დაქირავებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.