პარტია „ქართული ოცნება - დემოკრატიული საქართველოს“ ლანჩხუთის მერობის კანდიდატი ალექსანდრე სარიშვილი თანაგუნდელებთან ერთად, სტიქიის ზონაში იმყოფებოდა, სადაც ძლიერი წვიმის შედეგად დაზიანებული ადგილები დაათვალიერა.
პარტიის პრესსამსახურის ცნობით, ალექსანდრე სარიშვილი სუფსაში, აცანასა და აკეთში არსებულ ვითარებას პირადად გაეცნო, სადაც სტიქიამ ადგილობრივ მოსახლეობას პრობლემები შეუქმნა.
„ძლიერი წვიმისა და ქარის გამო, ლანჩხუთის მუნიციპალიტეტში დაზიანებულია შიდა სასოფლო გზები და დატბორილია საცხოვრებელი სახლები. აცანაში, საცხოვრებელ სახლებთან ჩამოწოლილმა მეწყერმა შიდასასოფლო გზა ჩახერგა. მეწყერმა დააზიანა სათავსო ნაგებობა და დაზიანებულია საცხოვრებელი
სახლის ნაწილიც.
სტიქიის შედეგად, ლესის ადმინისტრაციულ ერთეულში, სოფელი ჭინათი გარესამყაროს მთლიანად არის მოწყვეტილი. ჩახერგილია გზა ფოცხვერეთის უბანთან. ადიდდა მდინარე სუფსა, რომელმაც საყანე ფართობები დატბორა.
მძიმე ვითარებაა სუფსის ადმინისტრაციულ ერთეულშიც, სადაც ადიდებულმა მდინარემ საცხოვრებელი სახლები, ეზოები და შიდა გზები დატბორა. ძლიერმა ქარმა სუფსაში დააზიანა ათობით საცხოვრებელი სახლის სახურავი. სტიქიის ზონაში მუშაობს შესაბამისი ტექნიკა და მიმდინარეობს მოსახლეობისთვის მიყენებული ზარალის შესწავლა", ნათქვამია პრესსამსახურის მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.