ტელეწამყვანმა ქსენია სობჩაკმა განაცხადა, რომ 2018 წლის რუსეთის საპრეზიდენტო არჩევნებში იყრის კენჭს.

„ჩემი სახელია ქსენია სობჩაკი. მე ჩემს კანდიდატურას პრეზიდენტის პოსტზე ვაყენებ“, ნათქვამია ვებგვერდზე, sobchakprotivvseh.ru.

ამავდროულად სობჩაკის ღია წერილი გაზეთმა „ვედომოსტიმ“ გამოაქვეყნა.

„მე ვარ კანდიდატი „ყველას წინააღმდეგ“, ტელეწამყვანი, რომელსაც 5 ნოემბერს 36 წელი უსრულდება“, განაცხადა სობჩაკმა, როგორც ამას „რია ნოვოსტი“ იტყობინება.

ვიდეო მიმართვაში მან ამომრჩეველს არჩევნებზე მისვლისაკენ მოუწოდა, მიუხედავად იმისა, რომ ბევრი მის ბოიკოტირებას სთავაზობს.

„და თუ თქვენ არ წახვედით [არჩევნებზე], როგორ უნდა გავარკვიოთ თუ რისი წინააღმდეგი ხართ და როგორ გავაკეთოთ ისე, რომ თქვენი ხმა შესმენილი იყოს“, აღნიშნავს სობჩაკი.