„ყველა სახლში დამჯდარი ადამიანი გახლავთ ხელისუფლებისთვის ნაჩუქარი ხმა, ეს არის ხელისუფლებისგან წაღებული და მოპარული ხმა", აღნიშნული განცხადება „ევროპული საქართველოს“ ლიდერმა, დავით ბაქრაძემ წინასაარჩევნო კამპანიის შემაჯამებელ ბრიფინგზე გააკეთა.

პარტიის ლიდერმა ამომრჩეველს აქტიურობისკენ მოუწოდა.

„აუცილებლად მობრძანდით არჩევნებზე, მობრძანდით არა იმიტომ, რომ რომელიღაც პარტიამ გაიმარჯვოს და ვიღაც გახდეს ქალაქის მერი ან გამგებელი. მობრძანდით იმისთვის, რომ თითოეული თქვენგანი, თითოეული თქვენი ოჯახი ცხოვრობდეს უკეთესად, რომ ქვეყანა მიდიოდეს წინ, რომ ადამიანებს ჰქონდეთ იმის განცდა, რომ საქართველო ვითარდება.... „ქართული ოცნების" უმაქნისი ხელისუფლება ნამდვილად არ იმსახურებს თქვენგან ხმების ჩუქებას. ამიტომ, ნუ დარჩებით სახლში, მობრძანდით და გააკეთეთ თქენი არჩევანი. მე მჯერა, რომ არჩევანი იქნება ისეთი გუნდის სასარგებლოდ, რომელსაც გააჩნია კონკრეტული ხედვა და კონკრეტული გუნდი ადამიანები, ვინც შეძლებს ქვეყნის წინ წაყვანას. მე ასეთ გუნდად მიმაჩნია „ევროპული საქართველო", განაცხადა დავით ბაქრაძემ.