სულ მცირე 30 პოლიციელი და სამხედრო პირია მოკლული ეგვიპტის დედაქალაქ ქაიროს სამხრეთ-დასავლეთით მდებარე მებრძოლთა თავშესაფრებზე განხორციელებული რეიდისას, განაცხადეს უსაფრთხოების და სამედიცინო წყაროებმა.

„დოიჩე ველეს“ ცნობით, ბრძოლებს პარასკევს, დასავლეთ უდაბნოში, ბაჰარიას ოაზისში, ქაიროდან სამხრეთ-დასავლეთით დაახლოებით, 135 კილომეტრის მოშორებით ჰქონდა ადგილი და ის მას შემდეგ წარიმართა, რაც უსაფრთხოების ძალებმა მებრძოლთა ადგილმდებარეობის შესახებ მიიღეს ინფორმაცია.

შინაგან საქმეთა სამინისტრომ განაცხადა, რომ მოკლული არიან პოლიციელები, ისევე როგორც მებრძოლები, მაგრამ სამინისტროს მსხვერპლის რაოდენობა არ დაუკონკრეტებია.

თავშესფარში „ჰასმის“ მებრძოლები იმყოფებოდნენ და სწორედ ამ დაჯგუფებამ აიღო პასუხისმგებლობა თავდასხმაზე, განაცხადა რა, რომ მათ მიერ პოლიციის და უსაფრთხოების ძალების 28 წარმომადგენელია მოკლული და სხვა 32 დაჭრილი.

ეგვიპტის ხელისუფლება „ჰასმს“ ბრალს სდებს იმაში, რომ ის „მუსლიმთა საძმოს“ – 2013 წელს კანონგარეშედ გამოცხადებული ისლამური დაჯგუფის - მებრძოლი ფრთაა. „მუსლიმთა საძმო“ კი, უარყოფს ბრალდებას.