პარლამენტის თავმჯდომარე „რუსთავი 2“-ის დაკვეთით „ედისონ რისერჩის“ მიერ ჩატარებულ ეგზიტპოლს ენდობა და ამბობს, რომ „ქართული ოცნების“ პარტიულ დათვლებს „რუსთავი 2“-ის ეგზიტპოლები შეესაბამება.

ირაკლი კობახიძე აცხადებს, რომ „ყველა მუნიციპალიტეტში „ქართული ოცნება“ დამაჯერებლად ლიდერობს“, თუმცა მისი ვარაუდით „მეორე ტურები მთელ რიგ მუნიციპალიტეტებში“ იქნება.

„ყველა მუნიციპალიტეტში „ქართული ოცნება“ ლიდერობს დამაჯერებლად. იქნება სავარაუდოდ მეორე ტურები მთელ რიგ მუნიციპალიტეტებში, თუმცა უმეტეს შემთხვევაში ვფიქრობთ, რომ პირველ ტურში დამთავრდება მერის არჩევნები“, განაცხადა კობახიძემ. 

პარლამენტის თავმჯდომარის თქმით, „არჩევნები მშვიდ და სამართლიან გარემოში“ ჩატარდა. „სწორედ ასეთ გარემოში მოიპოვა გამარჯვება კახა კალაძემ და „ქართულმა ოცნებამ“ მთელი ქვეყნის მასშტაბით“, აღნიშნა ირაკლი კობახიძემ.

კობახიძე „ქართული ოცნების“ მერობის კანდიდატს, კახა კალაძეს არჩევნებში გამარჯვებას ულოცავს.

%MCEPASTEBIN%