ცენტრალური საარჩევნო კომისიის სპიკერის, ანა მიქელაძის ვარაუდით, ადგილობრივი თვითმმართველობის არჩევნების პირველადი შედეგები 22 ოქტომბერს, დილის 2:00 საათის შემდეგ გახდება ცნობილი.

განცხადება მიქელაძემ 20:00 საათის მონაცემების შეაჯამებისას, საინფორმაციო ბრიფინგზე გააკეთა.

„2014 წლის გამოცდილებიდან თუ ვიმსჯელეთ და მოგეხსენებათ, რომ 2014 წელსაც იყო ადგილობრივი თვითმმართველობის არჩევნები, პირველადი შედეგეგბის გამოცხადება მოხერხდა 2:00 საათის შემდეგ. შესაბამისად, ვვარაუდობთ, რომ ამ დროიდან დავიწყოთ, დამოკიდებული ვართ მონაცემებზე.... სამი სახის ბიულეტენია, მას სჭირდება საკმაოდ დიდი დრო დასათვლელად და ასევე ოქმების შედგენასაც დასჭირდება დრო", განაცხადა ანა მიქელაძემ, რომლის თქმითაც, არჩევნებზე წინასწარი მონაცემებით, საქართველოს მასშტაბით, ამომრჩეველთა 45.64%-იანი აქტივობა დაფიქსირდა.