სამაუწყებლო კომპანია „რუთავი 2“ „ედისონ რისერჩის“ მიერ ჩატარებული ეგზიტპოლის საბოლოო შედეგებს ასაჯაროვებს.

აღნიშნული შედეგების მიხედვით, პირველ ადგილზეა 54%-ით „ქართული ოცნების" თბილისის მერობის კანდიდატი კახა კალაძე, 16% „ნაციონალური მოძრაობის" დედაქალაქის მერობის კანდიდატს, ზაალ უდუმაშვილს, ხოლო 15% დამოუკიდებელ კანდიდატს ალეკო ელისაშვილს აქვს.

„ევროპული საქართველო“ ელენე ხოშტარია 7%, „პატრიოტთა ალიანსი“ ირმა ინაშვილი - 3 %. „დემოკრატიული მოძრაობა - თავისუფალი საქართველოს“ თბილისის მერობის კანდიდატი კახა კუკავა - 2%. გიორგი ვაშაძე - ახალი საქართველო - 2%. „ლეიბორისტული პარტიის" თბილისის მერობის კანდიდატი 1%.

რაც შეეხება პარტიულ მონაცემებს თბილისის მასშტაბით, - „ქართული ოცნება“ 58%, „ნაციონალური მოძრაობა“ 17%, „ევროპული საქართველო“ – 9%, „პატრიოტთა ალიანსი“ – 5%.

„ედისონ რისერჩს“ ეგზიტპოლი „რუსთავი 2“-მა დაუკვეთა.