პოლიციამ ტოკიოს მახლობლად მდებარე ქალაქ ძამაში, ახალგზარდა მამაკაცის ბინაში 9 ცხედარი იპოვა, იტყობინება სააგენტო „კიოდო“.

ახალი ამბების სააგენტო „რია ნოვოსტის“ ცნობით, ზოგიერთი ცხედარი დანაწევრებული იყო და ფრაგმენტები მაცივრების კონტეინერებში იყო მოთავსებული.

ახალგაზრდა მამაკაცის საცხოვრებელ სახლში ძებნის ოპერაცია პოლიციამ იმის გამო გადაწყვიტა, რომ არსებობდა ეჭვი, მისი იაპონიის დედაქალაქში 23 წლის ახალგაზრდა ქალის გაუჩინარებაში მონაწილეობის შესახებ.

იაპონური სააგენტო წყაროზე დაყრდნობით წერს, რომ 20 წლის ეჭვმიტანილი მამაკაცი და და დაკარგული გოგო სოციალურ ქსელ „თვითერზე“ ეკონტაქტებოდნენ ერთმანეთს. მიმოწერა მას შემდეგ დაიწყო, რაც ახალგაზრდა ქალმა დაწერა, რომ „ეძებს ვინმეს, რომელიც ჩაიდენდა თვითმკვლელობას“ მასთან ერთად.

პოლიციის ცნობით, ბინის მფლობელი მკვლელობაში ეჭვმიტანილის სახით არის ბრალდებული და იგი დაკავებულია.