საქართველოს შეიარაღებულ ძალებს 115 სამხედრო მოსამსახურე შეემატა. ფიცის მიღების ცერემონიალი სოფელ შინდისში, გმირთა მემორიალთან გაიმართა.
წვევამდელებს ფიცის დადება საქართველოს შეიარაღებული ძალების სახმელეთო ჯარების ლოგისტიკური უზრუნველყოფის სარდალმა, პოლკოვნიკმა იოსებ ლოლაძემ მიულოცა.
საზეიმო ცერემონიალზე საქართველოს სახელმწიფო ჰიმნი შესრულდა. ახალწვეულებმა საბრძოლო მოქმედებებსა და საერთაშორისო მისიებში დაღუპული სამხედრო მოსამსახურეების ხსოვნას წუთიერი დუმილით პატივი მიაგეს და ქვეყნის წინაშე სამხედრო ფიცი დადეს.
სამხედრო ფიცის მიღებამდე წვევამდელებმა ალგეთის საწვრთნელ ბაზაზე სამი თვის განმავლობაში საწყისი საბრძოლო მომზადების (BCT) კურსი გაიარეს. მათ მეცადინეობები საცეცხლე, სამწყობრო და ტაქტიკურ მომზადებაში, ასევე სამხედრო ტოპოგრაფიასა და პირველადი სამედიცინო დახმარების აღმოჩენაში ჩაუტარდათ. მომზადება საველე და საკლასო პირობებში ხორციელდებოდა.
საწყისი საბრძოლო მომზადების კურსდამთავრებულები სახმელეთო ჯარების ლოგისტიკური უზრუნველყოფის სარდლობის ქვედანაყოფებში ტერიტორიული პრინციპის მიხედვით გადანაწილდებიან. ისინი სავალდებულო სამხედრო სამსახურში 9 თვის განმავლობაში იმსახურებენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.