კვირა საღამოს მოსკოვის დიდი თეატრიდან, ანონიმური ზარის გამო, დაახლოებით 700 ადამიანის ევაკუაცია განხორციელდა, განუცხადა სააგენტო „რია ნოვოსტის“ სამართალდამცავი უწყების წარმომადგენელმა, 2 800 ადამიანი კი სავაჭრო ცენტრ ГУМ-იდან და კიდევ 2 000-ზე მეტი სასტუმრო „მეტროპოლიდან“ გაიყვანეს.

კვირას, ასევე მოსკოვის კინოთეატრ „ფაკელი“-დან და სავაჭრო ცენტრ „დუბროვკა“-დან ჯამში, ათასობით ადამიანს შეეხო ევაკუაცია. 

დაახლოებით 2 500 ადამიანი გაიყვანეს სავაჭრო ცენტრებიდან - „ტაგანსკი პასაჟიდან“, „არკადიადან“ და „გუდზონიდან“.

ანონიმური ზარები ასევე სავაჭრო ცენტრებში, „გალერეა ატლანტიკში“, „დისკონტში“, „ატრიუმსა“ და „ევროპეისკიში“ „ნაღმის“ არსებობის შესახებ იტყობინებოდა. აღნიშნული შენობებიდან დაახლოებით 11 000 ადამიანის ევაკუაცია განახორციელეს, წერს „რია ნოვოსტი“.