ვიცე-პრემიერის, ეკონომიკისა და მდგრადი განვითარების მინისტრის, გიორგი კვირიკაშვილის განცხადებით, ეროვნული ვალუტის შემდგომი დევალვაცია გამორიცხულია. კვირიკაშვილი ამ დასკვნას ტურიზმზე და ვიზიტორების შემოდინების მაჩვენებელზე დაყრდნობით აკეთებს და აცხადებს, რომ ამ მიმართულებით შედეგები უკვე არის, მომავალში კი უფრო დიდი მიღწევებია მოსალოდნელი.
ვიცე-პრემიერი ასევე, მედია-საშუალებებს მოუწოდებს, ამ თემასთან დაკავშირებით, პოლიტიკური სპეკულაციების გაშუქებისგან მაქსიმალურად თავი შეიკავონ, რადგან ეს ქვეყნის ეკონომიკაზე აისახება.
„ყველა მაჩვენებელი დადებითია, რაც ტურიზმისა და ვიზიტორების შემოდინებას ეხება. საპრივატიზაცოიო მიმართულებით ძალიან მნიშვნელოვანი სამუშაოები ჩატარდა და უშუალო შედეგები უკვე არის, მაგრამ მომავალში კიდევ უფრო მეტი იქნება, ამიტომ შემდგომ დევალვაციას არ ველოდებით. მინდა ასევე, ყველა მედია-საშუალებას ვთხოვო, რომ ამ თემით პოლიტიკური სპეკულირება არ მოხდეს. ვინაიდან, თითოეული ნეგატივი, რომელიც მედია-სივრცეში გადის, ქვეყნის ეკონომიკაზე მნიშვნელოვნად აისახება“, - განაცხადა გიორგი კვირიკაშვილმა.
ბოლო მონაცემებით, ერთ დოლარის ოფიციალური ღირებულება 2. 3303 ლარს შეადგენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.