ამერიკის შეერთებული შტატების სამხედრო-საზღვაო ძალების ოფიციალურმა წარმომადგენელმა განაცხადა, რომ „აბსოლუტურად მიუღებელია“ ის ფაქტი, რომ მათმა მფრინავებმა თვითმფრინავის გამოყენებით ცაში პენისი გამოსახეს.

როგორც BBC იუწყება, აშშ-ის ვაშინგტონის შტატის დასავლეთით ოკანოგანის საგრაფოში ცაში გამოსახულმა ფალოსურმა მოხაზულობამ ონლაინში დიდი მხიარულება გამოიწვია, მაგრამ კუნძულ უიდბის სამხედრო-საზღვაო-საჰაერო ძალების მთავარ შტაბ-ბინაში სამხიარულო ვერაფერი დაინახეს და გამოძიების ბრძანება გასცეს.

საჰაერო ბაზის წარმომადგენელმა დაადასტურა, რომ აღნიშნულში ჩართული თვითმფრინავი მათი ერთ-ერთი „Boeing EA-18G Growlers“-ი იყო.

BBC აღნიშნულ ფოტოებს აქვეყნებს და მას თან შემდეგ გაფრთხილებას ურთავს: ზოგიერთისთვის დაბლა განთავსებული ფოტოები, შესაძლოა შეურაცხმყოფელი იყოს.

საჰაერო ბაზის წარმომადგენელმა, თომას მილსმა BBC -ს განუცხადა: „ჩვენ ნამდვილად ვავალდებულებთ ჩვენს თვითმფრინავის ეკიპაჟს იმოქმედონ უმაღლესი სტანდარტებით და ეს აბსოლუტურად მიუღებელია.

ამას ნულის ტოლფასი ტრეინინგის ღირებულება ჰქონდა და თვითმფრინავის ეკიპაჟი პასუხიმსმგებელია მომხდართან დაკავშირებით“.

ფედერაციულმა საავიაციო ადმინისტრაციამ, მთავრობის სააგენტომ, რომელიც რეგულირებას ახორციელებს შეერთებული შტატების საჰაერო სივრცეზე, ადგილობრივ სატელევიზიო სადგურ „KREM 2“-ს უთხრა, რომ მანევრები არ ჩანდა, რომ შეიცავდა უსაფრთხოების რისკებს და ისინი ვერ გამოხატავენ აზრს „სამხედროების მორალურობაზე“.

ხმელეთზე მყოფი უამრავი მაყურებელი გაერთო ხუთშაბათს, შუადღისას ცაში გამოსახული თვითმფრინავის ნაკვალევით, თუმცა ზოგიერთისთვის ეს შეურაცხმყოფელეი აღმოჩნდა, წერს BBC.