საქართველოს პარლამენტის თავმჯდომარე ბელარუსის რესპუბლიკაში ოფიციალური ვიზიტის პირველ დღეს გამართულ შეხვედრებს აფასებს.

როგორც ირაკლი კობახიძემ ჟურნალისტებთან საუბრისას განაცხადა, ქართულმა მხარემ „ძალიან საინტერესო" შეხვედრები გამართა.

„გვქონდა ძალიან საინტერესო შეხვედრები, სადაც ვისაუბრეთ ჩვენს პოლიტიკურ და ეკონომიკურ თანამშრომლობაზე, ასევე, ვისაუბრეთ პერსპექტივებზე. ჩვენ კიდევ ერთხელ გადავუხადეთ მადლობა ბელარუსის რესპუბლიკის პრეზიდენტს, ასევე, მაღალი რანგის თანამდებობის პირებს, მათი მხარდაჭერისთვის, განსაკუთრებით, ისეთი მიმართულებით, როგორიც არის ჩვენი სუვერენიტეტი და ტერიტორიული მთლიანობა. ორი ქვეყნის პარლამენტს შორის ვაფორმებთ მემორანდუმს. აქ საუბარია პარტნიორობაზე, რომელიც უნდა გაღრმავდეს, საქართველოსა და ბელარუსის პარლამენტებს შორის და ამის საფუძველზე, იმედი გვაქვს, რომ საბოლოოდ, ჩვენი თანამშრომლობა სტრატეგიულ დონეზე გადავა“, განაცხადა ირაკლი კობახიძემ.