სულ მცირე 50 ადამიანია მოკლული თვითმკვლელის მიერ ბომბის აფეთქების შედეგად აღმოსავლეთ ნიგერიის შტატ ადამავაში, იტყობინება პოლიცია.
თვითმკვლელმა ბომბი ქალაქ მუბიში მეჩეთის შიგნით დილის ლოცვების დროს ააფეთქა.
როგორც თვითმხილველმა აბუბაქარ სულემ ახალი ამბების სააგენტო AFP-ს უთხრა, ჩანდა, რომ ბომბის ამფეთქებელი მრევლის ნაწილი იყო.
აფეთქებაზე პასუხისმგებლობა ჯერჯერობით არავის აუღია, მაგრამ როგორც BBC იუწყება, ჩრდილოეთ ნიგერიაში ხალხმრავალ ადგილებში აფეთქებების მოწყობით ისლამისტი მებრძოლების დაჯგუფება „ბოკო ჰარამია“ დაკავებული.
„ბოკო ჰარამის“ რვაწლიანი ამბოხების განმავლობაში დაახლოებით 20 000 ადამიანია მოკლული.
BBC-ის ცნობით, ტერორისტულმა დაჯგუფებამ, ბოლო პერიოდში, სამხედროების მიერ ამბოხებულების უწინ გაკონტროლებული ტერიტორიების ხელახლა ხელში ჩაგდების შემდეგ, ნიგერიის ჩრდილო-აღმოსავლეთ ნაწილებში გადაინაცვლა და იქ ახორციელებს აფეთქებებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.