თერჯოლის მუნიციპალიტეტის საკრებულოში, წარმომადგენლობითი ორგანოს თავმჯდომარის, ნინო ჯანელიძის ხელმძღვანელობით, რიგგარეშე სხდომა გაიმართა.
თერჯოლის საკრებულოს პრესსამსახურის ცნობით, სხდომაზე დეპუტატებმა მუნიციპალიტეტის მთავარი ფინანსური დოკუმენტის, 2018 წლის ბიუჯეტის პროექტი განიხილეს და სხვადასხვა სახის შენიშვნები გამოთქვეს.
„მათი მოსაზრებები ძირითადად, სოციალური პროგრამების გაუმჯობესებას, ინფრასტურქტურულ პროექტებს, მუნიციპალიტეტის კეთილმოწყობასა და სკოლამდელი აღზრდის დაწესებულებების ხელშეწყობას ეხებოდა. დეპუტატების გადაწყვეტილბით, წარმოდგენილი პროექტი მუნიციპალიტეტის მერიას დაუბრუნდა. მერია, თავის მხრივ, გამოთქმული შენიშვნების გათვალისწინებით, შესწორებულ ვარიანტს წარმოადგენს განსახილველად", ნათქვამია საკრებულოს პრესსამსახურის მიერ გავრცელებულ ინფორმაციაში.
მათი ცნობით, საკრებულომ რიგგარეშე სხდომაზე ასევე კომისიების თავმჯდომარეები აირჩია.
ფარული კენჭისყრის შედეგად მიღებული გადაწყვეტილებით, მეოთხე მოწვევის საკრებულოში, მოქმედ კომისიებს უხელმძღვანელებენ: ჯანმრთელობის დაცვის და სოციალურ საკითხთა კომისია - ბადრი ბუცხრიკიძე; კულტურის, განათლებისა და ახალგაზრდულ საქმეთა კომისია - სოფიო ბუსკივაძე; საფინანსო–საბიუჯეტო კომისია - თემურ ქოჩიაშვილი; ეკონომიკისა და ქონების მართვის საკითხთა კომისია - გიორგი ლილუაშვილი; იურიდიულ საკითხთა კომისია - იმედა რობაქიძე. სხდომას ესწრებოდა თერჯოლის მუნიციპალიტეტის მერი ბონდო სოფრომაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.