პაკისტანის ქალაქ პეშავარის უნივერსიტეტში შეიარაღებული პირები შეიჭრნენ და ცეცხლი გახსნეს. დაღუპულია სულ მცირე 9 და დაჭრილია 36 ადამიანი.
როგორც BBC იუწყება, სულ მცირე სამი შეიარაღებული მამაკაცი, რომლებიც გავრცელებული ცნობით ჩადრებით იყვნენ შენიღბული, პეშავარის სასოფლო-სამეურნეო ინსტიტუტში პარასკევს დილაადრიან შეიჭრა.
მიმდებარე ტერიტორიაზე პოლიციის გაძლიერებული ძალებია მობილიზებული და მედიის ცნობებით, ინციდენტი ჯერ კიდევ არ არის ამოწურული. ინფორმაცია კამპუსის შიგნით აფეთქების შესახებაც ვრცელდება.
„პოლიციამ და არმიამ კამპუსი კორდონით შემოსაზღვრა“, განუცხადა სააგენტო „როიტერსს“ პეშავარის პოლიციის ხელმძღვანელმა ტაჰირ ხანმა.
თალიბანის ხელახალი აღორძინების შემდეგ, ავღანეთის საზღვრის ახლომდებარე ქალაქი პეშავარი ძალადობის ყველაზე საშინელი სამიზნე გახდა ბოლო წლების განმავლობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.