„ერთიანი ნაციონალური მოძრაობის“ წევრი ზაალ უდუმაშვილი მიიჩნევს, რომ უკრაინაში სააკაშვილის გარშემო მიმდინარე მოვლენები პირდაპირ კავშირიშია საქართველოსთან, რადგან ეს „ორი ოლიგარქის“ მიღწეული შეთანხმების გაგრძელებაა.

„უკრაინაში მიმდინარე მოვლენები პირდაპირ გადაბმულია საქართველოსთან, იმიტომ, რომ ჩვენ ეხლა საქმე გვაქვს ორ ოლიგარქს შორის მიღწეულ შეთანხმებასთან, რომ მოხდეს ყველა ხერხით მიხეილ სააკაშვილის ნეიტრალიზაცია. უკრაინაში ეს ვერ გამოუვიდათ, ხალხმა იხსნა მიხეილ სააკაშვილი, ვერ გამოუვათ ვერც საქართველოში. ზოგადად, 21-ე საუკუნეში, როდესაც ქვეყანას პრეტენზია აქვს, რომ ევროკავშირის წევრი ქვეყანა გახდეს ოდესმე, არ შეიძლება, რომ ოლიგარქები მართავდნენ ასეთ ქვეყანებს და ოლიგარქია აუცილებლად დასრულდება უკრაინაშიც და საქართველოშიც“, განაცხადა ზაალ უდუმაშვილმა თბილისის რუსთაველის გამზირზე „ნაციონალური მოძრაობის“ „ღირსების მანიფესტაციაზე“ „რუსთავი 2“ -ის პირდაპირ ეთერში ჩართვისას.