სასამართლო ვალდებული იქნება, საკუთარი ინიციატივით, ორ თვეში ერთხელ, აღკვეთ ღონისძიებად პატიმრობის ძალაში დატოვების საკითხი განიხილოს. ცვლილებები "სისხლის სამართლის საპროცესო კოდექსის" იმ ნორმებში შედის, რომელიც აღკვეთი ღონისძიების – განსაკუთრებით კი პატიმრობის, გამოყენებას, შეცვლასა და გაუქმებას ეხება.
იუსტიციის სამინისტროს ავტორობითა და მთავრობის ინიციატივით პარლამენტში წარდგენილი პროექტის თანახმად, აღკვეთის ღონისძიების გამოყენების, შეცვლის ან გაუქმების შესახებ განჩინების რეკვიზიტებს შორის, დამატებულია მოსამართლის ვალდებულება, განჩინებაში ის მტკიცებულებები მიუთითოს, რომელთა საფუძველზეც ის აღკვეთის ღონისძიების გამოყენების აუცილებლობაში დარწმუნდა. ასევე სისხლის სამართლის საპროცესო კანონმდებლობაში იწერება იმპერატიული მითითება იმის თაობაზე, რომ აღკვეთის ღონისძიების გამოყენების, შეცვლის ან გაუქმების საკითხის განხილვისას მტკიცების ტვირთი ყველა შემთხვევაში ბრალდების მხარეს ეკისრება.
გარდა ამისა, აღკვეთის ღონისძიების სახით პატიმრობის გამოყენებისას, მოსამართლეს ეკისრება ვალდებულება, სასამართლო სხდომაზე განჩინების გამოცხადებისას, მხარეებს განუმარტოს, რომელი მტკიცებულებების საფუძველზე გამოიყენა აღკვეთის ღონისძიების სახით პატიმრობა და რა მიზეზით მიიჩნია, რომ ნაკლებად მკაცრი აღკვეთის ღონისძიება აღკვეთის ღონისძიების მიზნის მიღწევას ვერ უზრუნველყოფდა.
კანონპროექტის კიდევ ერთი სიახლეა, სასამართლოს მიერ აღკვეთის ღონისძიების სახით გამოყენებული პატიმრობის პერიოდულად და ავტომატურად გადასინჯვის ახალი საპროცესო მექანიზმის შემოღება. კერძოდ, პროექტის მიხედვით, თუ ბრალდებულს შეფარდებული აქვს პატიმრობა, მოსამართლე ვალდებულია პირველივე წინასასამართლო სხდომაზე, თავისი ინიციატივით, პატიმრობის ძალაში დატოვების აუცილებლობის საკითხი განიხილოს, მიუხედავად იმისა, დააყენა თუ არა მხარემ შუამდგომლობა პატიმრობის შეცვლის ან გაუქმების შესახებ. ამის შემდეგ სასამართლო ვალდებული იქნება, თავისი ინიციატივით განიხილოს პატიმრობის ძალაში დატოვების საკითხი ორ თვეში ერთხელ მაინც.
"სისხლის სამართლის საპროცესო კოდექსს" ახალი – 230 პრიმა მუხლი ემატება, რომლის მიხედვით, "თუ ბრალდებულის მიმართ აღკვეთის ღონისძიების სახით გამოყენებულია პატიმრობა, სხდომის თავმჯდომარე განაჩენის გამოტანამდე პერიოდულად, მაგრამ ორ თვეში ერთხელ მაინც, თავისი ინიციატივით განიხილავს საკითხს, რამდენად არსებობს აღკვეთის ღონისძიების სახით პატიმრობის ძალაში დატოვების აუცილებლობა. ორთვიანი ვადის ათვლა იწყება წინასასამართლო სხდომის მოსამართლის მიერ პატიმრობის ძალაში დატოვების შესახებ გადაწყვეტილების მიღებიდან".
"სისხლის სამართლის საპროცესო კოდექსში" დაგეგმილ ცვლილებებზე 11 მაისს პარლამენტის იურიდიულ საკითხთა კომიტეტი იმსჯელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.