ეროვნულ-დემკრატიული ინსტიტუტის (NDI) მიერ ჩატარებული გამოკითხვის თანახმად, იმ ადამიანების 90%, რომლებმაც სახელმწიფო დაზღვევის პროგრამით ისარგებლეს, სერვისით კმაყოფილია.


როგორც გამოკითხვის შედეგების პრეზენტაციაზე აღინიშნა, გამოკითხულთა 43%-მა დაზღვევის პროგრამით ისარგებლა. ამ 43%-დან 90% სერვისით კმაყოფილია.


აქედან, 57%, პროგრამით გათვალისწინებული მომსახურებით სრულიად კმაყოფილია. 33% ნაწილობრივ კმაყოფილია. 5% სახელმწიფო დაზღვევის პროგრამით ნაწილობრივ უკმაყოფილოა, ხოლო 3% სრულიად უკმაყოფილო.


აღსანიშნავია, რომ დასაქმების პრობლემა გამოკითხულთა უმრავლესობისთვის კვლავ პირველ ადგილზეა - 66%. 43%-ს ფასების ზრდა და ინფლაცია აწუხებს, ხოლო გამოკითხულთა 39%-ისთვის აქტუალურ პრობლემას სიღარიბე წარმოადგენს.


კვლევა 27 მარტი - 19 აპრილის საანგარიშო პერიოდში ჩატარდა და 4360 ადამიანი გამოიკითხა. კვლევის ცდომილების ზღვარი +/- 2.3 პროცენტს შეადგენს.