საქართველოს ყოფილი პრეზიდენტის, ოდესის ოლქის ყოფილი გუბერნატორს, მიხეილ სააკაშვილის თქმით, უკრაინის საპრეზიდენტო არჩევნებში მონაწილეობას „არასდროს მიიღებს", რადგან უკრაინის პრეზიდენტი უნდა იყოს პირი, ვინც „უკრაინაში არის დაბადებული და გაზრდილი".
განცხადება ამასთან დაკავშირებით სააკაშვილმა უკრაინული არხის ეთერში გააკეთა.
„არასდროს მივიღებ მონაწილეობას უკრაინის საპრეზიდენტო არჩევნებში, ვინაიდან უკრაინის პრეზიდენტი უნდა იყოს პირი, ვინც აქ არის დაბადებული და გაზრდილი. მე 13 წელიწადზე მეტი გავატარე უკრაინაში, მაგრამ უფრო დიდი სტაჟის მქონე ადამიანი უნდა იყოს პრეზიდენტი. მთავრობაში კი შეიძლება სხვაგვარად იყოს“, განაცხადა სააკაშვილმა, რომელიც კიევის პეჩორის რაიონულმა სასამართლომ დეპუტატების თავდებობით 11 დეკემბერს გაათავისუფლა.
უკრაინის გენერალური პროკურატურის ვებგვერდზე გუშინ გავრცელებული ინფორმაციის თანახმად, პროკურატურამ „ახალი ძალების მოძრაობის“ ლიდერი მიხეილ სააკაშვილი 18 დეკემბერს ისევ დაკითხვაზე დაიბარა.
მიხეილ სააკაშვილის წინააღმდეგ უკრიანის გენერალურ პროკურატურას სამი მუხლის საფუძველზე აქვს საქმე აღძრული – კერძოდ, მე-15 მუხლი(დანაშაულის მცდელობა), 28-ე მეორე მუხლი (დანაშაულის ჩადენა პირთა ჯგუფის მიერ წინასწარი განზრახვით) და 256-ე მუხლი (დანაშაულებრივი ჯგუფის წევრთა ხელშეწყობა და მათი დანაშაულებრივი საქმიანობის დამალვა).
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.