საქართველოს პარლამენტში საკომიტეტო მოსმენაზე გამოსვლისას თავდაცვის მინისტრმა აშშ-ის გაზრდილ საგარეო სამხედრო დაფინანსების შესახებ ისაუბრა. მინისტრის განცხადებით, მომდევნო ორი წლის განმავლობაში აშშ-ის სამხედრო დაფინანსების ჯამური მოცულობა 117 მილიონ ამერიკულ დოლარს მიაღწევს.
„წელს ამერიკის შეერთებული შტატებისგან სამხედრო დაფინანსება საგრძნობლად გაიზარდა, როგორც უშუალოდ FMF ანუ საგარეო სამხედრო დაფინანსების ფარგლებში, ასევე, ავტორიზაციის აქტით და ჯამში დაახლოებით 60 მილიონზე მეტი შეადგინა. მინდა, განსაკუთრებით გამოვყო ერთი გარემოება - საგარეო დაფინანსებით მიღებული თანხების ათვისება მოხდება წელს და შემდეგ წლებში, ანუ 16-17 წლის დანაზოგების ათვისება მოხდება მიმდინარე და შემდეგ წლებში, რამაც ჯამურად დაახლოებით 117 მილიონი ამერიკული დოლარი შეადგინა,” განმარტა ლევან იზორიამ, როგორც ამას თავდაცვის უწყება იტყობინება.
მინისტრის განცხადებითვე, საგარეო სამხედრო დაფინანსების გზით 1997 წლიდან დღემდე საქართველომ ჯამში 239 მილიონი ამერიკული დოლარის დახმარება მიიღო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.