ნიდერლანდების ხელისუფლება მზადაა მიიღოს საქართველოს ყოფილი პრეზიდენტი და ოდესის ოლქის ექს-გუბერნატორი მიხეილ სააკაშვილი, თუკი ის უკრაინის დატოვებას გადაწყვეტს, განაცხადა ნიდერლანდების საგარეო საქმეთა მინისტრმა პარასკევს, როგორც ამას ახალი ამბების სააგენტო „ფრანს პრესი“ იტყობინება.

ჰოლანდიელი მინისტრის, ჰალბე ზიჯლსტრას კომენტარი მას შემდეგ გაკეთდა, რაც გავრცელებული ცნობებით უკრაინის ოპოზიციური პარტიის, „ახალ ძალთა მოძრაობის“ ლიდერმა, მიხეილ სააკაშვილმა ნიდერლანდებს იქ გამგზავრების თხოვნით მიმართა და მისი თხოვნა დაკმაყოფილებულ იქნა, წერს ფრანგულ სააგენტო. „იგი ჰოლანდილე ქალზეა დაქორწინებული და თუკი ის მოითხოვს პასპორტს, ჰოლანდიის კანონით ეს შესაძლებელია“, უთხრა ზიჯლსტრამ ჟურნალისტებს ჰააგაში, სადაც ის გაეროს გენერალურ მდივან ანტონიო გუტერესთან შეხვედრას ესწრებოდა.