იანვარში აშშ-ის პრეზიდენტის პოსტიდან წასვლის შემდეგ თავის იშვიათ ინტერვიუში ბარაქ ობამამ სოციალური მედიის უპასუხისმგებლო გამოყენების წინააღმდეგ გამაფრთხილებელი განცხადება გააკეთა.
მან გამაფრთხილებლად თქვა, რომ ამგვარი ქმედებები ანადგურებენ ადამიანების კომპლექსური საკითხების გაგებას და ემსახურებიან დეზინფორმაციის გავრცელებას.
როგორც BBC წერს, მისი შემცვლელი დონალდ ტრამპი „თვითერის“ ნაყოფიერი მომხმარებელია, მაგრამ ობამას იგი სახელით და გვარით არ უხსენებია.
ობამასთან ინტერვიუ „BBC Radio 4“-ის პროგრამა Today-ისთვის პრინცმა ჰარიმ ჩაწერა. ჰარი, რომელიც სამეფო ტახტის რიგში მე-5 ადგილზეა, ერთ-ერთია ცნობილ პიროვნებებს შორის, რომლებიც აღნიშნულ პროგრამაში შობის პერიოდში სახელოვან ადამიანებს მასპინძლობენ.
აშშ-ის ექს-პრეზიდენტმა განაცხადა, რომ ისინი ვინც ძალაუფლების სათავეში არიან, ფრთხილები უნდა იყვნენ, როცა შეტყობინებებს აქვეყნებენ, რადგან მისი აზრით, სოციალური მედია ამახინჯებს სამოქალაქო მსჯელობებს.
მან გამოხატა წუხილი მომავლის შესახებ, სადაც ფაქტები არის უარყოფილი და ადამიანები მხოლოდ კითხულობენ და უსმენენ იმ ამბებს, რომლებიც განამტკიცებს თავიანთ საკუთარ შეხედულებებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.