2017 წელი მნიშვნელოვანი დადებითი დინამიკით ხასიათდებოდა, რაც გამოხატა მაკროეკონომიკურ პარამეტრებში, განაცხადა ფინანსთა მინისტრმა, მამუკა ბახტაძემ დღეს გამართულ ბრიფინგზე, რომელზეც მან 2017 წლის ფისკალური წელი შეაჯამა.
ფინანსთა მინისტრის განცხადებით, დადებითია დინამიკა ისეთ მაკროეკონომიკურ პარამეტრებში როგორიცაა დაგეგმილთან მიმართებაში მაღალი ეკონომიკური ზრდა, მიმდინარე ანგარიშის დეფიციტის კლების ტენდენცია, ექსპორტის ზრდის მაღალი მაჩვენებელი როგორც სასაქონლო ისე მომსახურების სფეროში, რაც მისი თქმით, მნიშვნელოვანწილად, განპირობებულია ეკონომიკურ ზრდაზე ორიენტირებული ფისკალურ პოლიტიკით.
ფინანსთა სამინისტროს ცნობით, როგორც მამუკა ბახტაძემ აღნიშნა, 2017 წლის ბიუჯეტში აისახა თვისობრივად გარდაქმნილი ფისკალური პოლიტიკა, რომელიც ითვალისწინებდა ინვესტიციების ზრდას ინფრასტრუქტურულ პროექტებში, ადმინისტრაციული ხარჯების ოპტიმიზაციას და ეკონომიკური ზრდაზე ორიენტირებული საგადასახადო სისტემის შექმნას. როგორც მან განაცხადა, რეფორმამ მნიშვნელოვანი რესურსი შექმნა კერძო სექტორის განვითარებისთვის და ახალი სამუშაო ადგილების შესაქმნელად.
მისი თქმით, ფისკალურ პოლიტიკაში განხორციელებული რეფორმების პაკეტი, საფუძვლად დაედო საერთაშორისო სავალუტო ფონდთან 2017 წელს მიღწეულ შეთანხმებას ახალი, 285 მლნ დოლარის მოცულობის პროგრამაზე „გაფართოებული დაფინანსების მექანიზმის“ (EFF) ფარგლებში, რომელის პირველი მიმოხილვა წარმატებითაა დასრულებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.