უფროსი სერჟანტის ზაზა ფერაძის სახელობის საწყისი საბრძოლო მომზადების ცენტრმა, წვრთნებისა და სამხედრო განათლების სარდლობის მხარდაჭერით, წვრთნის (დრილ) სერჟანტთა მომზადების კურსი დაიწყო.
აღნიშნული კურსი ამერიკის შეერთებული შტატების დრილსერჟანტის კურსის ანალოგია და საქართველოს შეიარაღებულ ძალებში უკვე მესამედ ტარდება.
წვრთნის სერჟანტის კურსის მიზანია მომზადდეს მაღალკვალიფიციური, პროფესიონალი წვრთნის (დრილ) სერჟანტები, რომლებიც შემდგომში საქართველოს შეიარაღებული ძალების რეკრუტთა პირად შემადგენლობას გაწვრთვნიან და მათ პროფესიონალ სამხედროებად ჩამოყალიბებაში შეუწყობენ ხელს.
წვრთნის (დრილ) სერჟანტის კურსი 5 კვირის განმავლობაში კოჯორში, გიორგი ანწუხელიძის სახელობის სერჟანტთა მომზადების ცენტრში ჩატარდება. სასწავლო პროგრამაში მონაწილე პირადი შემადგენლობა თეორიულ და პრაქტიკულ სწავლებებს საკლასო და საველე პირობებში გაივლის.
საქართველოს შეიარაღებული ძალების უმცროს სერჟანტთა შემადგენლობისთვის აღნიშნული კურსი პროფესიული განვითარების და კარიერული წინსვლის კარგ შესაძლებლობას წარმოადგენს.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.