შეერთებული შტატების ყოფილმა პრეზიდენტმა, ჯორჯ დაბლიუ ბუშმა აღიარა რუსეთის ჩართულობა 2016 წლის აშშ-ის საპრეზიდენტო არჩევნებში, განაცხადა რა, რომ „არსებობს საკმაოდ ნათელი სამხილი, რომ რუსები ჩაერიენ“.

აბუ დაბიში, კალიფორნიაში ბაზირებული ექსპერტთა ორგანიზაციის, „მილკენის ინსტიტუტის“ მიერ ორგანიზებულ ფორუმზე სიტყვით გამოსვლისას ბუშს არ უთქვამს არაფერი თუ რას ფიქრობს იგი იმის შესახებ მოახდინა თუ არა გავლენა ამ ჩარევამ არჩევნების შედეგებზე, როგორც ამას The Associated Press-ი იტყობინება.

„პრობლემატურია, რომ უცხო სახელმწიფო არის ჩართული ჩვენ არჩევნებში“, განაცხადა ბუშმა.

დონალდ ტრამპმა არაერთხელ უარყო სადაზვერვო სამსახურების ანგარიშები, რომლებიც რუსეთის მიერ აშშ-ის 2016 წლის არჩევნებში ჩარევას ადასტურებს და მას „რესპუბლიკელმა“ პრეზიდენტმა რამდენჯერმე უწოდა „კუდიანებზე ნადირობა“.

კონგრესში ტრამპის თანაპარტიელები ცდილობენ ძირი გამოუთხარონ გამოძიებას და გასულ კვირას, პრეზიდენტის სანქციით კონგრესმა გამოაქვეყნა FBI-ის საიდუმლო სამსახურებრივი ჩანაწერები, რომლის მიზანიც ფედერალური საგამოძიებო ორგანოს დისკრედიტაციია.

ბუშმა რუსეთის პრეზიდენტი ვლადიმერ პუტინი დაახასიათა, როგორც საბჭოთა კავშირის დანგრევის გამო „მუდამ გაბრაზებული“ ადამიანი. „მაშასადამე, მისი ნაბიჯების უმეტესობა საბჭოთა ჰეგემონიის დაბრუნებას“ ემსახურება, აღნიშნა ბუშმა. 

„მას არ შეუძლია იფიქროს ‘თუ როგორ უნდა გავიმარჯვოთ ორივემ’ იგი მხოლოდ ფიქრობს, „როგორ გავიმარჯვო მე, შენ კი დამარცხდე’“, თქვა ბუშმა.