ტრამპის ოფიციალური გამოსვლების დამწერი დევიდ სორენსენი აშშ-ის პრეზიდენტის მეორე თანაშემწე გახდა ამ კვირას, რომელიც ოჯახური ძალადობის ბრალდებების გამო თანამდებობიდან გადადგა.

სორენსენი (მაღლა ფოტოზე) უარყოფს მის მიმართ გამოთქმულ ბრალდებებს.

თეთრი სახლის თანაშემწის პოსტიდან მის წასვლას წინ უძღოდა ტრამპის ადმინისტრაციის კიდევ ერთი ოფიციალური პირის, რობ პორტერის მიერ თანამდებობის დატოვება, რომელსაც ორი ყოფლი ცოლი ოჯახურ ძალადობაში სდებს ბრალს.

როგორც BBC წერს, სკანდალმა წნეხში მოაქცია ადმინისტრაციის უფროსი ჯონ კელი, რომლის მიმართაც გაჩნდა კითხვები, თუ რა იცოდა მან ამის შესახებ და როდიდან იყო საქმის კურსში აღნიშნულთან დაკავშირებით.

თავდაპირველად, მას შემდეგ, რაც ორი ყოფილი ცოლის მხრიდან ოჯახური ძალადობის ბრალდებები გაჟღერდა, კელიმ 40 წლის პორტერი „ნამდვილად პატიოსან და კეთილშობილ მამაკაცად“ დაახასიათა.

პორტერს (ფოტოზე - ტრამპიდან ხელმარჯვნივ) ერთ-ერთი ყოფილი ცოლი თვალის ჩალურჯებაში სდებს ბრალს, მეორემ კი სასამართლოს ამკრძალავი გადაწყვეტილების გამოტანის სარჩელით მიმართა. პორტერი ყოფილი ცოლების ბრალდებებს უარყოფს.

პარასკევს, ტრამპმა პორტერის მიმართ, რომელიც ოთხშაბათს გადადგა თანამდებობიდან, პატივისცემა გამოხატა. ოვალურ ოფისში საუბრისას პრეზიდენტმა განაცხადა: „ჩვენ ეს ახლახან აღმოვაჩინეთ და მე გაკვირვებული დავრჩი ამით, მაგრამ ჩვენ უდავოდ ვუსურვებთ მას ყოველივე საუკეთესოს, ახლა მისთვის მძიმე დროა.

„ჩვენ მას კარგად ყოფნას ვუსრვებთ“, თქვა ტრამპმა აღნიშნულ საკითხზე მისი პირველად გაკეთებული კომენტარისას და დაამატა: „იგი ძალზე დაუღალავად მუშაობდა“.

პრეზიდენტის კომენტარმა „დემოკრატების“ კრიტიკა გამოიწვია. ყოფილმა ვიცე-პრეზიდენტმა ჯო ბაიდენმა განაცხადა, რომ ტრამპმა იმაზე ნაკლებად მნიშვნელოვნად წარმოაჩინა პორტერის მიმართ წამოყენებული ბრალდებები, ვიდრე ეს სინამდვილეშია.