დუშეთის მუნიციპალიტეტის მჭადიჯვრის ადმინისტრაციულ ერთეულში დუშეთის მერიის, საკრებულოსა და კ.ერისთავის სახელობის ექსპერიმენტული და კლინიკური ქირურგიის ეროვნული ცენტრის ორგანიზებით, გაიმართა საქველმოქმედო სამედიცინო აქცია, ლოზუნგით „ერთად ვიზრუნოთ თქვენს ჯანმრთელობაზე.
აქციის ფარგლებში, მჭადიჯვრის ადმინისტრაციული ერთეულის სხვდასხვა სოფლების მოსახლეობამ (100-მდე მოქალაქემ) უფასო სამედიცინო კონსულტაციებით ისარგებლა ცენტრის სხვდასხვა პროფილის მაღალკვალიფიციური ექიმებისაგან, კერძოდ ზოგადი ქირურგის, კარდიოლოგის, ნევროპათოლოგის, ტრავმატოლოგის, ოფთალმოლოგის, გინეკოლოგის, უროლოგის, სისხლძარღვთა ქირურგის, ენდოკრინოლოგისა და ექოსკოპისტისაგან.
გამოვლენილი საჭიროებების მიხედვით, პაციენტებს ჩაუტარდათ აგრეთვე უფასო ექოსკოპიური და კარდიოლოგიური გამოკვლევები და უზრუნველყოფილნი იქნენ მედიკამენტებით.
სამედიცინო აქციას კ.ერისთავის სახელობის ექსპერიმენტული და კლინიკური ქირურგიის ეროვნული ცენტრის წარმომადგენლებთან ერთად, მცხეთა-მთიანეთის სახელმწიფო რწმუნებული-გუბერნატორი ლევან ზაუტაშვილი, დუშეთის მუნიციპალიტეტის მერი ზურაბ სეხნიაშვილი, მისი მოადგილე ზაქარია ხეხელაშვილი, დუშეთის მუნიციპალიტეტის საკრებულოს წევრი, სოციალურ საკითხთა კომისიის თავმჯდომარე გიორგი ასლამაზიშვილი ესწრებოდნენ.
ინფორმაციას დუშეთის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.