16 თებერვალი 2008 წლის აგვისტოს ომის გმირის, უფროსი სერჟანტ, ზაზა ფერაძის დაბადების დღეა. მეგობრებმა და თანამებრძოლებმა გმირულად დაღუპული სამხედრო მოსამსახურე კიდევ ერთხელ გაიხსენეს და მის ხსოვნას პატივი მიაგეს. საწყისი საბრძოლო მომზადების ცენტრის (BCT) მეთაურმა, ვიცე-პოლკოვნიკმა ელგუჯა ბიბინიძემ და სხვა წარმომადგენლებმა მუხათგვერდის ძმათა სასაფლაოზე ზაზა ფერაძის საფლავი გვირგვინით შეამკეს. გიორგი ანწუხელიძის სახელობის სერჟანტთა მომზადების ცენტრის კაპელანმა, მამა გიორგიმ გმირი სამხედროს სულის მოსახსენიებელი პანაშვიდი გადაიხადა.
მოგვიანებით, სამხედრო მოსამსახურეები ქალაქ რუსთავში მდებარე კერძო სკოლა „მილენიუმში“ ზაზა ფერაძის შვილებს, დემეტრესა და ანასტასიას ეწვივნენ და სამახსოვრო საჩუქრები გადასცეს. ჯარისკაცებმა მოსწავლეებთან 2008 წლის აგვისტოს ომის გმირები გაიხსენეს და მათ ზაზა ფერაძის გმირობის, მისი პიროვნების შესახებ საინტერესო და მნიშვნელოვანი ინფორმაციები გააცნეს. ცენტრის მთავარმა სერჟანტმა საწყისი საბრძოლო მომზადების ცენტრის ისტორიისა და ამოცანის შესახებაც ისაუბრა.
ღონისძიებას ზაზა ფერაძის მეუღლე, ნათია ფერაძე, ქალაქ რუსთავის მერი, საკრებულოს თავმჯდომარე, ქვემო ქართლის სამხარეო ადმინისტრაციის წარმომადგენლები, სამხედრო მოსამსახურეები და სკოლის პედაგოგები და მოსწავლეები დაესწრნენ. დღესვე, ზაზა ფერაძის მშობლიურ სოფელ შორაპანში გენერალური შტაბის წვრთნებისა და სამხედრო განათლების სარდლობის წარმომადგენლებმა გმირი სამხედროს ოჯახის წევრები მოინახულეს.
უფროსი სერჟანტი ზაზა ფერაძე 1973 წლის 16 თებერვალს ზესტაფონის რაიონის სოფელ შორაპანში დაიბადა. 2002 წლის ივლისში ჩაირიცხა კომანდოს ბატალიონში, 2004 წელს ცხინვალის კონფლიქტურ მოვლენებში მონაწილეობდა, 2004-2005 წლებში ერაყის რესპუბლიკაში საერთაშორისო სამშვიდობო მისიით იმყოფებოდა, 2005 წელს ეროვნულ სასწავლო ცენტრ ,,კრწანის”-ში (BCT) კურსზე ინსტრუქტორად დაინიშნა. 2008 წლის ივლისში IV ბრიგადის 42-ე მსუბუქ ქვეით ბატალიონში სნაიპერების ჯგუფის მეთაურად გადაინიშნა და ამავე ქვედანაყოფთან ერთად, 2008 წლის რუსეთ-საქართველოს ომში მონაწილეობა მიიღო.
სნაიპერის ტყვიამ ცხინვალთან ქართველი სამხედრო მოსამსახურე მაშინ იმსხვერპლა, როდესაც დაჭრილი თანამებრძოლის გადასარჩენად მიბრუნდა.
უფროსი სერჟანტი ზაზა ფერაძე დაჯილდოვებულია ვახტანგ გორგასლის III ხარისხის ორდენით. 2015 წელს საწყისი საბრძოლო მომზადების ცენტრს მისი სახელი მიენიჭა.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.