ერთ-ერთი ყველაზე ხანდაზმული ხე უელსში, რომელიც სავარაუდოდ, 1 000 წლის წინათ იქნა დარგული, როგორც ოფას თხრილის გასწვრივ საზღვრის აღმნიშვნელი, წაიქცა.

ბატინგტონის მუხის გარშემოწერილობა 11 მეტრი იყო, რაც იმაზე მიანიშნებს, რომ ხე დაახლოებით 1 000 წლის იყო, განაცხადა რობ მაკბრაიდმა, მამაკაცმა, რომელმაც მუხის წაქცევა შენიშნა.

როგორც BBC იუწყება, რობ მაკბრაიდმა, რომლის მეტსახელია „ხეებზე მონადირე“ და რომელიც უელსში ძველ ხეებს აღწერს, განაცხადა, რომ მუხას უზარმაზარი კულტურული მნიშვნელობა ჰქონდა, რადგანაც ის გასხლული ხე იყო - ის მინდორში ბუნებრივად არ ყოფილა გაზრდილი.

(რობ მაკბრაიდი წაქცეულ ხეზე)

მუხა ადგილობრივების მიერ ბატინგტონის ბრძოლის აღსანიშნავად იქნა დარგული და ის ასევე ოფას თხრილის გასწვრივ საზღვრის აღმნიშვნელიცაა - საზღვარი მეფე ოფას მიერ იქნა აშენებული მე-8 საუკუნეში.

„ეს ძალზე დასანანია, რადგანაც ის უდიდესი ხე იყო ოფას თხრილის გასწვრივ და მეორე ყველაზე დიდი ხე უელსში“, თქვა მაკბრაიდმა.